ياسموك
ياسموك وانتي بعزالشباب
لحظه لحظه قبل لـ انتي تودعين
ياصغيره ســن والرحلـــه إياب
يارغيده عيش واحناضـايعين
يارذاذالــــوردمخلــوط بضباب
يانسيــم الليل لاحـــل الحنين
ياسموك بنشدك والراس شـــاب
وش عرف قلبك عن الحب الدفين؟
ياسمــــــــوك بنشدك والقلب ذاب
وش عرف قلبك عن القلب الحزين؟؟
ياسموك مسكنك فوق السحــــاب
كــــم شــكا قلبك جراحات وانين
يالأميره بسألك هــــــات الجواب
ياترى ذقتي مــــرارات السنين
لاتقــولي ويش جـاب لويش جاب
انا وانتي والبشرفي الأصل طين
زين دامك صامته فالعلم طاب
انتي الحاجب وانابالراس عين
انتي اللي مقبله وانا ذهــــاب
اسألي قلبك عن اللي راحلين
نزلي تاجـــك بدنيـــا الإغتراب
بس لحظتها اكـــــيد بتعرفين
ب ان ضنك لو هقــى بالحيل خــــاب
والهــــوى غدارواحنا كــاتمين
تبعدين ان مرفي دربك سراب
لويقرب لك فأنشهــــد تبعين
والمآسي تنفتح بألفين باب
بس صبرك يااله العالــمين
والدموع شموع تجرح هالسحاب
بس نبقى للمشاعر كاتمين
والجـــروح تروح وطيوف العتاب
والهمــوم تزول واحنا صـابرين
والعشق لو طال حتى الراس شاب
شــــابت عيـوني وحنا عاشقين
شابت عيوني وحنا عاشقين
