اخ غلا...ي
للاسف مانتبهت لتعليقك اللي كان داخل في تعليقي وبنفس اللون الا الحين
اعتبر نفسي معتدله واسأل الله ان يريني الحق حقً ويرزقني اتباعه وان يريني الباطل باطلا ويرزقني اجتنابه
نرى منكرات من حولنا والله اجبرتنا على ان نلزم بيوتنا ليس من ضعف لكن لان مايحدث اصبح يخوف وان رأيناه وسكتنا مشكله وان تكلمنا فلن تتعدى دوشتنا اذاننا
ليه شوف كم الغش الموجود في كل مكان تروح له في مستشفى خاص مريض يقول له الدكتور لازم تسوي عمليه بتكلفه 50الف وفي مستشفى حكومي يقولون له ماتحتاجها
طيب يصدق مين ؟
غش
في البقالات غش في الشوارع غش في اماكن العمل غش
اش الواحد يسوي والله لو انكرنا كل شي ان اخرتنا نضارب حتى انفسنا
نجي للاختلاف اللي يطير العقل والتناقض اللي مايقبله عقل
نتغطى ونلبس عبايه وندخل مهرجان فيه واحد يغني وتجيك الوحده تقول فرس رهان ليه تجرأت انها ترقص وتردح وتنفعل وين راح الحيا وين راح الخوف من الله وين راح الخوف من ولي امرها وين راح الخوف من الهيئه اللي كان اسمهم كفيل انه يخلي الوحده تتسمر في مكانها مثل الالف
انا عمري مارحت الجنادريه مع انها وجهت لي الدعوة من جهات معينه اكثر من مره لكن ولا اروح لو سحبوني سحب ولا اروح اي مهرجان مهما كان
لاني اعرف ان مايحدث فيها مارح اتفق انا واياه
مو اني احسن من اللي راحوه لا والله
لكن اكره التناقض واموت لو اسكت علشان كذا اكفي خيري شري وابعد عنهم
من هنا اقول لك ان هذا المحتسب دخل المكان الغلط كان بامكانه ان ينكر على المسؤلين ويجعلها شكوى تصل لاعلى مستوى اما انه يضارب عسكر منفذين مابيدهم الا تنفيذ الاوامر بدون ابداء اي رأي فغلط في حقه وغلط منهم انهم مايمنعوه ويوفرون الحمايه للمكان اللي هم فيه
واذا وصلت للمسؤل ولاتصرف التصرف السليم فحسابه على الله والمحتسب ادى دوره في انكار المنكر
شي ثاني
بالله اللي يروحون الجنادريه الان هم يروحون علشان يشوفون واحد يسوي زنبيل جلد ويخيطه بادوات بدائيه والا خياط بشوت والا نجار؟
اقولها وانا واثقه مما اقول والله لو سووا احصائيه عن اكثر الاماكن زيارة غير يلاقونها الاماكن اللي فيها طرب ورقص خل التراث والثقافه موجوده في الاسواق الشعبيه ومحدن درى عنها
الناس يبغون ترفيه ومسرحيات وضحك وتسوق والجنادريه اعطتهم اياه بس من ورا الباب يعني اخذوا التراث ستاره بس اللي ورا الستاره يغضون الطرف عنه
بس اتوقف هنا لاني احس اني بديت اعك
دمتم طيبين
|