لاتلومني لاجيت كلي مـن اقصـاي=مافيـه غيـرك لاتضايقـت جيتـه
جيتك ولاغيرك ذكرتـه بمسـراي=جيتك وكل انسـان غيـرك نسيتـه
جيتك وانا ماني بأنا تايـه الـراي=جيتك وانا مدري وش اللـي بغيتـه
جيتك وقلبي دقتـه تسبـق خطـاي=جيتـك اقـول مفارقـك ماقويتـه
ان مر يومٍ بالعمـر منـت ويـاي=اشتاق لك شـوق المسافـر لبيتـه
مثل الهوا تحتاجه النـاس والمـاي=يحتاج لك قلـبٍ هـواك وهويتـه
انت الوحيد اللي .. يرد بسمة اشفاي=وانت الوحيد اللي .. بروحي فديتـه
دامك معي ماقصرت يـوم دنيـاي=دامي خذيتـك وش بقـا ماخذيتـه
وانكان تنشدني بعد ليه انـا جـاي=ابشـر بـردٍ يقنـعـك لاحكيـتـه
جيت اعترف بالفرق يا اخر منـاي=بينك وبين اللـي عشانـك جفيتـه
اني ليامن جيت لك ( همك رضاي )=واني ليامن جيـت لـه ( مالقيتـه )
لاتلومني لاجيت كلي مـن اقصـاي=مافيـه غيـرك لاتضايقـت جيتـه