قالوا معاق وقلت أنا ماني معاق يا بشر=مادام عقلي فالوجود أنا مثل باقي البشر
ليس الإعاقة في سقوط العضو يا كل الملا=بل الإعاقة في ضياع العقل ذيك اكبر ضرر
العضو مهما طاح تبقى همتي مثل الجبل=لكن إذا ضاع العقل ما ينفع العين البصر
وش ينفع اذني سمعها لاصا ر تسمع للخنا=والعين وش هو دورها لو ما تمعن بالنظر
واليد وش هي فائدتها كان تبطش فالخطأ=والرجل لو ما صرت في طاعة عساها بالكسر
صحيح أنا مشلول لكن داخلي عقل كبير=أعيش به وأميز اللي فيه خير وفيه شر
بعض البشر ظن المعاق معاق في كل الصور=وأقول أنا مادام قلبي حي ما فيني خطر
كم شفت من شخص على الكرسي حياته عاشها=كافح وجاهد وأسعفه عقله وبالغير اعتبر
ذاك المعاق إ للي إذا من سمع حي عا لصلاة=أقفا وخاوا اللي عن الطاعة يولون الدبر
والا أنا ماني معاق وهمتي فوق السحاب=وأنا على الكرسي أواكب من طلع سطح القمر