هند
سبحان الله دائما تتعرض المخلصات لمثل هذه المواقف
اعرف مدرسات فيهم منك الشي الكثير وتعرضوا لكوارث في مدارسهم بسبب العقول المتحجره اللي تدير المدرسه
انتي في غابه وكل ادارتها تشبه الموجودين في الغابه يعني وش رح يكونون ؟بيروقراطيه ومخ واقف عند التعاميم وتوقيع الاوراق
باختصار ياهند
لاتوقعين المحضر واطلبي تحقيق اداري وطلعي المستور كله ولايهمك اكبر راس فيهم
صدقيني انهم يخافون ولايفهمون كل اللي يهمهم ان الملفات تتوقع وتتقفل على لاشيء
انتي صح وخلي ايمانك بنفسك يظهر على تصرفاتك
لاتتوقعين ان احد بيحس باللي في داخلك
طلعي لهم الانسانه القويه اللي في داخلك واثبتي لهم انك صح ولايهمك اكبر راس فيهم
اكلمك وانا والله ودي لو اقدر اجيك اعرف المصريه قدرها واوريها الروتينيه اللي هي عايشه فيها كيف تتخلى عنها
بالمناسبه
لاتكونين فدائيه يعني سوي شغلك وبس لاتضحين علشان اي احد في هذا الزمن لا احد يستحق للاسف
اكرر اطلبي تحقيق اداري
فيه مرشده طلابيه اكتشفت ان فيه بنت تتعرض للاعتداء الجنسي وبشكل متكرر في البيت من احد محارمها طلبت الكلام مع الام وحاولت تفهم وضع البنت في البيت وكل ذا بدون علم الاداره حتى تحل مشكلة البنت ( خامس ابتدائي ) طلعت الام تدري ولاتقدر تسوي شي فقررت تتصرف انها تتواصل مع اللجان المتخصصه بهذي المسائل فعرفوا الاداره واكتشفوا انها تصرفت بدون ماتخبرهم فاتصلوا على ابو البنت وسلموه ملفها وطبعاً فضحوها واللي مادري دري
والمدرسه تعرضت للتحقيق و اضطرت لطلب تقاعد مبكر حتى لايتم فصلها وهي رغم مرور سنوات على الموضوع لكنها كلما تذكرت البنت تبكي وتتمنى تعرف مصيرها وتدعي على المديره
الله يكون في عونك .
|