يا الله تغفر لي جميع ذنوبي
وامنن علي قبل الوفاه بتوبه
الوقت غاير والامال تحوبي
والثانيه في اعمارنا محسوبه
ياجيشنا اللي خاطرك مطروبي
ذودك يسام وهيبتك محلوبه
تشرع لوجه الغدر كل البوبي
وين الدروع اللي هنا منصوبه
لااهتز ركن من البنا المقطوبي
طاحت ركون البيت طوبه طوبه
سوق الركاب وزندها مشبوبي
احتم جنوب الديره المكروبه
شف للخبيث الحوثي الاثيوبي
بيده سلاح وموتنا مطلوبه
جند الروافض والهدف محسوبي
خطه من اصحاب الفتن ملعوبه
يقتل ويسرق عابرن محنوبي
قطع الطرق والقتل صار اسلوبه
في زعزعت امن البلاد يدوبي
يعقب وروس احزابهم معقوبه
افواج في عرض النوايف نوبي
وفي السهول الساحليه نوبه
في الليل تنزل للوطا بقنوبي
وتباغت اهل الصيده المغصوبه
لا هنيني زادي ولا مشروبي
مقهور من شوف النسا مرعوبه
الغدر كشر بالفســــاد نيوبي
كم قد ذبح من عايله منكوبه
لكن مدام ان القتيل جنوبي
الامن طيّب والخبر اكذوبه
ياجيش حد اقطارها من صوبي
والا فكلن يحتمي من صوبه
حنا الجنوب وخصمنا محروبي
خصومنا عند اللقا مغلوبه
واحنا حماة البيرق المنصوبي
دونه تروح ارواحنا مقصوبه
الشاعر . عبد الله الشغيبي