جتني على غفلة وقالت لي مبغاك = طبع الزمن ياناس قاسي عليٌه
بسهولة قالتها أبي اليوم فرقاك = ولا أمس هي اللي حبني ومات فيٌه
ماأدري أش بلاها لكن تقول بنساك= خلت في قلبي ألف جرحٍ وكيٌه
ماكني اللي من كاس حبي أسقاك = وضيع زمانه في دروبك وتيٌه
لاتحسبينه ضاع حبك بفرقاك = لاجاء على الخاطر ولا فيه نيٌه
أنا أحبك بالغصب ماهو برضاك = وإليا ذكرته بيوم فزيت حيٌه
أنتي مكانك وسط قلبي وممساك = ماغيره وإن لبسوني قضيٌه
أهواك لا ولله إلا أموت بهواك = يابعدي روحي ويابعد كل البريٌه
أدري إن بعدك بسبب لي الهلاك = وأدري هنيٌه من يحبك هنٌيه
آسف على كل الجروح وماجاك = وأنا بعيش بحلم يخفف عليٌه
يمكن يجيني يوم وأرد وألقاك = وتعوود لي فرحة زماني الهنيٌه
وأدعي الكريم اللي خلق وسواك= إن كان حبك مات يجيب المنيٌه
وإن كان مالي حظ في حبك وممشاك = هذي نهاية حبي وهذي الوصيٌه
بترك حياةٍ مابها غير ذكراك = مالي مكانٍ وسط دنياً دنيٌه