بســــــــــــم الله الرحمن الرحيــــــم
((يالــيــل لو تدري))-((2))
ياليل طال الليل والفكر محتار
..........................................ياليل مامليت ياكم اناديك
ياليل ياكم تحضن بجوفك اسرار
................................وش عذب العشاق غير السهر فيك
ياليل علمني عن الشوق وش صار
....................................لولا الغلا ليش اتحمل بلاويك
تـــدري(حلمت)
البـــارحه وانا معك قبل الاسحار
...............................حلمت في خلي وانا بين اياديك
حلم(ن)طوييييييل(ن)يحتوي كل ماصار.
................,,,,..............فزالخفوق وقال يالحب لبيك
وصحيت من نومي على دمع مدرار
............................ورجعت لك ياليل اشكي واحاكيك
تـــــــــــــــــــــــــــــــدري
من غبت ياخلي وانا بداخلي نار
.............................لو غبت عن عيني فلا غاب طاريك
اشـــــتاق لك
اشتاق لك شوق المسافر للاسفار
................................شوق(ن)يحبك يم يحبك ويغليك
واشتاق لك شوق السفينه للإبحار
................................متى تحن على السفينه موانيك ؟
واشتاق لك شوق البدو شبه النار
..................................والنار في قلبي سببها تغليك
واشتاق لك شوق الغريب لثرى الدار
............................شوق (ن)لوانك بالقمر كان ياتيك
واشتاق لك شوق المشاعر للاشعار
.................................ياقلب غرد دام شعرك بغاليك
واشتاق لك شوق النحل ضم الأزهار
..............................ارحم خفوق ميت(ن)في معاليك
واشتاق لك شوق الجنوبي للأمطار
.............................لاجت عقب قسوه تهل بأراضيك
وختامها ياليل كم بك من اسرار
...........................الموت ارحم كان موتي بيرضيك
أيمن عبدالعزيز
في امـــــــــان الله