عندما يتعانق جمال الكلمه مع فكر شاعر

تخط انامله كلمات تحاكي روح المتلقي

فلا يجد الا ان يبقى فقط ليتمتع بما يسمع



[poet font="Simplified Arabic,6,tomato,bold,italic" bkcolor="transparent" bkimage="backgrounds/8.gif" border="double,7,white" type=0 line=200% align=center use=sp length=0 char="" num="0,black" filter=""]

عطني أمل في رجعتك لي على خير..

لا.. لا تقول انك على الصد صامل

انا تعبت وصار لك في تأثير..

وقلبي على قربك.. ولا ماك آمل

يا صعبها الفرقا.. ولا فيه تبرير..

ما فيه داعي حاول انك تجامل

ان كان قصدك عذر جتك المعاذير..

آسف على كثر الخطا.. والتعامل

يمكن خطاي اني من اعماقي اغير..

والكامل الله.. ما سوى الله كامل

من دافع احساسي.. ومن خوفة تطير..

ومن حبي اللي فالعروق يتنامل

لو هي بكيفي من على الأرض ما تسير..

حطيت لك كفي عن الأرض حامل

حبك ذبحني ذبح.. وانساني الغير..

وملكتني بالحب.. والملك شامل

قلبي هوالك هوية الدلو فالبير..

واصبحت تلعبّه بروس الانامل

اذكرك لا صحّى الصباح العصافير..

ويسبق تناهيدي.. من الدمع هامل

واذكرك لا هبت شماليه عصير..

واقبل غروب الشمس.. والليل خامل

واذكرك يا عمري بكل المشاوير..

والحزن يسكني.. وأنا الحال سامل

صار الذي في يوم ماتوقع يصير..

واصبحت في عز له عن الناس هامل

اما تجي وتقول راجع على خير..

ولا على شاني طلبتك تجامل

حاول تنسيني على اقل تقدير..

دامك على فرقاي من جد صامل..




[/poet]
[/poet]