بعض الضيوف " يبطون الكبد "
خاصة إذا كل ليلة محضرين عليكـ ولا فيهم حيلة
تضطر احيانا تلعن خامسهم

ضيوف العادة

الليــــل والهــــم والذكـرى وفقــــد الحبـيب
......................... تقــــابلوا واستعـدوا لي وجـــوني ضيــوف

لاهـــم غــرابا وانا مــاني عليهــم غــريب
......................... عادة ! إذا غابت الشمس اقبلوا في صفوف

إنْ جيت باصـدّ عنهــم واعتــذر بالمغيـــب
......................... فتــح لهم صــدري ابوابـه وعيني تشـــوف

مجلاسهم بالحشــا ! مركى وعــود ٍ وطيب
......................... ويصب شــرياني القهـــوة ! عليهـم يطوف

الكبد ( ملّة ) ومن عوج الضـــلوع الحطيب
......................... باقي كســــرها معاليــق القنا والســــيوف

المشــكلــة قلبي اللي من غثــــاهم عطيــب
........................ لاشــــافهم ( فزّ ) كنّــــه في هواهم شغوف

ضيوف ما عنــدهم شي عيب وإنكان عيب
......................... لا عنــدهم شــيمة او قيـمة ولا فيـــه خوف

تقول ضبـــــاط شــرطة والمضيّــف رقيب
......................... لاقالوا اتعبت حــــالكـ ,, قـــال مابه كلوف

آخـــر مصيبــة على قلب ٍ حــــداه النصيب
......................... عليه ,, تمّـــوا ولا سمّــــوا وبقعـــا تحوف

يا ليل , يا هم , يا ذكرى , يا فقــد الحبيب
........................ الله يجيب الحبيب !! ولعنبـــوكم ضيوف

قابلة للنقد وكل شيء
دمتم بخير وعسى ما يجونكم هالضيوف

.