مشاركة: يوميات عزوبي (بعض من الواقع بسخرية ملموسه )
الف شكر للمرور يا حلوووين <<<<يجيب الله مطر
اعتذر عن التاخير والموضووع مفتوح لا اي عزوبي
لاحظو عزوبيه بس
طبعا ابقووولكم سالفتي اليوم
والشكوى للله
طبعا اخذت مقالب على كيفكم مع بدايه رمضان وخصوووصا بسالفه الفطور
ارووح من بعد العصر فرفره على المطاعم وادور لي سمبووسه شبيه بسمبوووسه الوالده <<<الله يحفظها والسامعين
المهم مريت على احدى المطاعم ليوم امس
واخذت لي سمبوووسه
وتفاجئت بوقت الفطور انها محشيه فلافل وفلفل ونتفته لحمه مفروومه
الزبده انتهيت بجركلين مويه تبريد سريع
هالموقف خلاني اصحصح حبتين
وقلت يا ولد ليه ما تطبخ بالبيت
رحت اليوم وشريت لي رقاق وكزبره ولحمه مفرومه <<<<ربع كيلوو ويخب من التميمي
المهم وجيت عقب صلاه العصر وجبت لي ذيك السفر وهاتك احشي الرقاق باللحمه الفرومه وعليها االكزبره
طبعا طلعت رووحي لين سووويت اربع حبات سمبووسه
قلت يا ولد خلك اقتصاادي ورووح سوووي لك شغله ثانيه
رحت للمطبخ
وقمت اقلب بين المقااضي اللي جبتها لرمضان اللي كلها علب قشطه وقاروتين فيمتو وكرتون مويه
ولقيت مكرونه اسبقتي <<<الله العالم كتابتها هيك
المهم
قلت فرصه يا ولد
من قدك مكرونه وسمبوووسه فطور بيت
من بيحصلها
رحت اخذت المكرونه <<<<لاحظو الوصفه الدنماركيه
المهم قمت وكسرتها كسر صغار لين قلبتها رز
وبما ان القااعده الاساااسيه لا اي طبخه
لابد وجود تكشينه الماسيه
رحت وصكيت لي بحبتين بصل
وطماط ما حصلت <<<<<غيرناها بصلصه واشووويه كتشب
المهم وقمت احوووس بالقدر واتشمشم ريحه الكشنه <<<<<<تهووووس
خلصت التكشينه والله العالم انها احترقت
ورحت كبيت مويه على القدر وحطيت المكرونه بوسط القدر
وهاتك تاركها ساعه ونص <<<<<<<من كثر المويه
قبل الاذان بنص ساعه
رحت جبت السمبوووسه وحطيتها بالزيت وقليتها وطلع لونها يجنن زي اللي في دعايه زيت عافيه
والمكرونه كان فيها مشكله بسيطه
تلاصقت ما ادري وش سالفتها المهم حطيتها بصحن وذيك بصحن
ورحت احتري المذن يأذن
وبعد ما اذن افطرنا كالمعتاد ابتداء بالسمبوووسه
فتفاجئت با ان اللحمه اللي داخل السمبوووسه مش ناضجه باقيه بثلجها <<لاعت كبدي يالربع
جربت الثانيه الا والله نفس الطريقه
جيت للمكرونه
طلعت ما تنفع بريال <<< يالله لك الحمد
نسيت احط عليها ملح
طبعا الجوع ذبحني
وقمت ادور مطعم وطحت في مطعم الله لا يوريكم
انواع الزحمه على بالي انه مسجد من كثر الناس اللي فيه
وما افطرنا الا بعد ما فضيت طاوله من الطاولات اللي بالمطعم
طبعا هذا مقطع بسيط
وعلى قولة خويي اللي معي يقوول حدك مضغووط ويخب عليك بعد
هذي اول يوميه انثرها لكم
والله يكفينا شر العواقب
|