السلام عليكم ورحمة الله وبركاته أهل الديرة الطيبين
أنا من امس وأنا اتابع الحوار والمناقشه حول المهور
قلها وكثرها
أنا قبل كل شيء مع خوي ابو فهد أن 40 الف مناسب
مع المفروض أني افرح بمهور القبائل لين عندي اولاد الله يحفظهم
ويرزقهم بصالحات واولادكم وبناتكم اللهم امين
فيه بعض القبائل حجرت حتى على الهديه يهديها العريس لعروسه
أنا مع العقلانيه في الطلابات بس مو حجر على كل شيء
ليش قالوا بحلفونهم الجماعة
أحبتي أنا زوجت بنتي من قبيله غير قبيلتي
والله ما أخذنا منه غير مهر الدوله وماتشرطنا والله عليه غير انه يخاف الله في بنتنا
ولله الحمد وشكر بنتي مرتاحه وهو مقدرها وعارف قدرها الله يحفظهم
مع أن فيه ناس من جمعتنا قالوا خذو أكثر من مهر الدوله على شان هو من قبيله ثانيه
ومهورهم هم غالية قال ابو عيالي الرجال طيب ورجال والله ماخذ عليه غير مهر الدوله
والله العظيم اعطاه في يوم الزواج 10000 الاف نفعة مو انه بائع بنته لا والله
وزوج بنتي والله مقدر هذا الشيء الان..
فيه حاجة حصلت عند ناس من جمعتنا
ملكوا لولدهم على فلانه من الناس من اصحاب المهور المحدوده
المهم طولت الملكه شوي سار فيه جدال بين البنت والولد على شي معين
من ضمن كلامه قال لها ترا قيمتك عشرين الف اقدر اجيب بدالك ثنتين
عموماً الرجال ماهم سوا فيهم الي يقدر وفيهم من يستحق يكسر راسه بمهر
يحني ظهره
وأخر كلامي احبتي دائماً لا يغرك أن فلان ابن فلان يمكن
ان بوه وعئلته ونعم بس الولد بعيد عنكم كسرة وعثرة للبنت المسكينه.
اسأل الله السعاده دائمة الولادنا وبناتنا ..
أسفه أن كان فهمت غلاط او اجبت خطاء
تحياتي للجميع
|