[poet font="Simplified Arabic,4,blue,normal,normal" bkcolor="transparent" bkimage="backgrounds/9.gif" border="groove,10,deeppink" type=2 line=200% align=center use=ex length=0 char="4" num="0,black" filter=""]
طالعتـنـي مرتـيـن وحيرتـنـي بالنـظـر=ماابعدت عني ورحت ولادنـت يمـي وجيـت
يوم ذارت واستدارت واستخـارت فـي حـذر=قلت ابحكي كلمتيـن ورحـت منهـا ماحكيـت
ماقدرت اقـول كلمـة ود واشواقـي خضـر=بس بعيونـي حكيـت وبابتسامتهـا اكتفيـت
عنـدل سـوّت سوايـاً مايسويهـا بـشـر=هزت اركان المكـان وتوهتنـي واهتديـت
علمتـنـي بالكـتـابـه والقرايه بالـشـعـر=اثرنـي قبـل اهتديهـا لا كتبـت ولاقـريـت
الف باء وهج القصايـد تشعلـه مثـل الجمـر=اتهجّـا فـي محاسنهـا قصيـدي بيت بـيـت
دربها درب السحـاب وشوفهـا مثـل المطـر=جيتها في حالي ادري واسرقتنـي مادريـت
واثقة خطوه وتمشي فـي غـرور معتبـر=والله اني والله انـي فـي هواهـا مستميـت
كنها قايـد جيـوش المعركـه يـوم انتصـر=وانتشى كله غرور ونال قدر وذاع صيت
عقلهـا سـن اربعيـن وسنهـا سبعةعـشـر=جيـت ابذكـر عقبهـا كـل المحبين اونسيـت
اعترف من كل قلبي صدق وابصـم بالعشـر=انها اجمل من لقاني وانهـا احلـى مالقيـت
[/poet]

تحياتي للكل

المسكت