يا وليفي لا تناظر لغيرك وش علــــــــــــــــــيك = ناظر بروحك وخل إتجاهك عنــــــــــــــــــــــدنا
أنشغل باللي يفيدك وشخصٍ يحتــــــــــــــريك = وأنتبه لا تخلف الوعد راقب وعـــــــــــــــــــــــدنا
لاتعذب قلبي الله يرحم والــــــــــــــــــــــــــديك = فكنا من كلمة الناس عرفت ســــــــــــــــــــــــدنا
لا تبيع اللي على كل ظلمك يشتــــــــــــــــــريك = لا تناسى العيش والملح وأحـــــــــــفــــــــظ ودنا
أفتكر في ساعة الضيق كم كنت أنتشـــــــيك = وأفتكر كم من هـــــــــــــديه أتــــت فـي وردنا
إعرف إنك داخل القلب ما جاء لك شريك = وإعرف إن المسأله ما تحل بـعـنـــــــــــــــــــــــــــدنا
لازم إنك تحتوي قلب شخصٍ يحتــــــــــــويك = لازم إنك تبتسم وأنتبه من صــــــــــــــــــــــــــــــدنا
وأنتبه لا تبتليني فأنا ما بأبـتـلـــــــــــــــــــــــــيك = وأستمع لي يوم جاك المفيد بقصـــــــــــــــــدنا
أنت لا تتوقع إني مع هذا ركـــــــــــــــــــــــــيك = لا ورب البيت ما أحدٍ يقاوي كـيــــــــــــــــــــــدنا
لكن أبد بخير يمكن من أفعالك يجـــــــــــــيك = بادرة خير وأمل تــــــــــــــــــــــــــــوصلك في ردنا
وأحتمال أسامحك وإحتمال أزعل علـــيك = وإحتمال أقول هذي نهاية فـــيــــــــــــــــــــــــــــدنا