خلاص انسى غلاك و حل عن عينـي=لابـو غـرامٍ مـع العشـاق مايرقـى
مليت اناجي طيوفـك وانـت ناسينـي=تعبت والا انـت لاتتعـب ولاتشقـى
محبتـك عفتهـا لاتنشـغـل فيـنـي=مهمـا تسـوي ( قسـم بالله ماتبقـى)
لاتذكر اسمي على السانك وتطرينـي=دور بدالـي وانـا اتحـداك اذا تلقـى
الفرق واضـح يا..... بينـك وبينـي=الارض ماتستوي عند السما الزرقـى
ماعـدت اصـدق كلامـك يامعنينـي=كذاب واهل الهوى في كذبهم غرقى
كنت اجمل ايام عمري واجمل سنينـي=كنت الوله والشجن لاناحـت الورقـى
وان كان ودك تجي ( بعطيك حلينـي)=اختار ياصاحبي( الفرقا او الفرقى)
ملعـون جـد الغـلا كانـه ينسينـي=اسلوم ربعي وخطاة الجادل الطرقـى
خلاص انسى رجوعك طحت من عيني=ماتدري ان المطر لاطـاح مايرقـى؟