فز الخفوق وقلت يالله عسى خير"="اثر الليالي غايب قمرها
في شوفته نشوه وفزه وتحذير"="وعيون خلان تعانق نظرها
ياصبح عمري ياصباح التباشير"="نوره ملا قلبي وروحي غمرها
عقب الفراق اللي تعدى المحاذير"="بين غصون القلب جافي دهرها
ربع بروحي عقب ماهي معاسير"="سحابه هلت بقلبي مطرها
واسقي بها زرعه هوانا بتقدير"="غرسة غرام بالمحبه بذرها
ياناس احبه والمحبه مقادير"="هذا هوى نفسي وهذا قدرها
والحب ماله ياهل الحب تفسير"="قلبين والله بالمحبه امرها
لاجيت اصور حالة الحب تصوير"="وارد عن حالي لخلي خبرها
لقيت وجدي فوق كا التعبير"="كل الشعر قطره وروحي بحرها

لو وفيت وجيت يومً زرتني =لو صدقت أفنيت روحي في هواك
لو نظرت بعين قلبك شفتني =ما معي مخلوق يستاهل غلاك
ليتك من الحب ما خوفتني =كان أبخجل كل بدرً من ضياك
ياقليل الحظ لو طاوعتني =وأهتديت بنور قلبي وأهداك

اللي يبينا عيّت النفس تبغيه=واللي نبيه عيّا البخت لا يجيبه
حنا نبيه لا ما ونحب إلاطاريه=الله لا يقطع نصيبي ونصيبه
من يوم شفّته خاطري مولعً فيه=قلت البخت يا سعد من هو يصيبه
أقفى وصد وقال يا من أنت هاويه=خبرك عتيق وقلت نفسي صعيبه
يا من له الخاطر شفوقً يراعيه=أتبع هوانا وغيرنا وش تبي به
اللي يدارينا ترانا نداريه=واللي تنّكر جعل ربي حسيبه

ولعتني وخليتني أنشد الناس = وفضحتني ما بين ربعي الأدنين
يا صاحبي من عقبك البال منحاس= أصفق بكف الكف وأشكي من البّين
أسقيتني مُر العذابين بالكاس = وحرمت عيني لذة النوم يا زين
حبك لجاء بالروح من غير مقياس= ما قلت لي وش غيرك يا أريش العين
لا باس يا سيد الغنادير لا باس = مقبول ما جاء منك يا كامل الزين

حالي كيف ما شفته=وأنا أحسب إنك قبل ذا الوقت تدريبه
في خاطري لك كلامً مير ما قلته=أجنبك ما يحس بك ولو حياتي به
همًّ جديد على الأول تحملته=عنك أتحمل كبير الهّم وأمشي به
تنشد عن الحال = هذا هو الحال