قبل سنوات كثيرة ماأذكر والله متى بالضبط بس وأنا بعد ماتغطيت رحنا الديرة بعد غيبة طوووويلة المهم عاد أحنا من زمان عن الديرة والناس اللي فيها حتى أخوالي ماأعرف عيالهم ولا اللي جنبنا ساكنين بالديرة المهم اليوم الثاني أبوي حط الغنم بعيد عن البيت وقال ياهند روحي أنت وأخوك جيبوا الغنم عاد أنا لبست الكاب ( عبايتي ) ورحت بموت من الفرح إني بجيب الغنم المهم أنا ماأدل الطريق أبوي أشر لي من البلكونة أصلاً ماشفت يده من الفرح على طول انطلقت مشينا في السواجي ننادي أنا وأخوي على الغنم قمة الذكاء والله كل مايذكروني أنحرج من الغباء اللي كان فينا المهم مشينا لين لقينا الغنم حقتنا طبعاً أنا كنت نص ونص أخاف منها فكرنا أشلون هذه ننزلها المكان مرتفع شوي ونطرد فيها أنا وأخوي أخوي الصغير يقول لها أش بلا دلع وأنا أحاول أجمعها كلها لو تشوفون المكان اللي كانت تنط منه يمكن أي واحد يحب الغنم يذبحني عاد المهم تركبنا فيها الهضاب والطريق وكانت حالتها حاله رجعنا البيت وهم مساكين مو قادرين يمشون وفيه ثنتين منها يمشون ويضلعون أبوي عاد يطردنا مالحقنا رحنا نستنجد بجدتي قالت جدتي والله أنا اللي اضربكم كيف تسون فيها كذا
ورقدنا وحنا نبكي والسبب الغنم ...!
ومره نزلنا الوادي مع أمي كدت القبض وحلفت لأشيل معها وليتني ماشلت هذه مو حزمه هذه شيء مدري وش هو أصلا ماكان واضح إلا حزمة تمشي بدون شخص وكان برستيجي تمام والأوضاع زينه وأنا أمشي لين وصلت عند البيت سحلقت أنا والحزمة قدام أبوي وخالي وجدتي وعمتي عاد جمعتها ودخلت البيت وأنا أخاصم بعمري من قال لي أجي من قدامهم
الضحك الكثير ممنوع
|