يا صغر المصيبه يوم تحصل من الأطفــال = ويا كبرها لا جآت من شخص في كُـبره
صغار الذنوب تنوب عن كل ما ينقــــال = ويسعى بها الشيطان لو طال في صــبره
وبعض الكبائر حملها صعب ما ينشـــال = وبعض البشر يشتالها ما أخذ عـــــبره
يصنف مع أهل الزيف في خانة المحتال = ويكتب أمام أسمه هذا ضايع الــــدبره
ولا هي غريبه في زمنا يجي دجـــــــال = ويصعد على المنبر غشيمٍ بلا خـــــــبره
أقوله وعندي للحقيقه مئة مرســــــــال = وصلني بخط يده على اللوح من حـــبره
أعده من اللي في مجال الشريعه ضـــآل = شطح عن مسار الحق وسبابها كـــِـــبره
يقولون من يرتد عن ديننا يغتـــــــــال = ولا هو بشرط إنا نواريه في قـــــــــــبره
نهيل التراب عليه وعساه بأسوأ حــال = ويا جعل قبره نار يشوى بها هــــــبره