مات قلبي واقبل اليوم التعازي فيه=مات يشكي من الم جرحه وحسراته
كم صبر عالوجع حرات اللهب تكويه=في فراش الموت يتقلب بسكراته
قام يذكر مامضى يوم المحب يجفيه=راجع الذكرى شريط العمر لفاته
وين حبك والوفى والصدق في صافيه=صار ماضي والقلب قطر السعد فاته
صار حالي غير حالي والوقت يفنيه=صرت كاللي به وبايا صعب ف شفاته
التردد من صفاتك والهوى تخفيه=واشتياقك وسط قلبك خلف طياته
ماعرفنا وين مرسى قلبكم شاطيه=بحركم صعب المطايا عصف موجاته
من مرارك قلت يكفي والقلب يكفيه=بس يكفي قلب غارق هم موياته
الله اللي خالقنك غيركم يعطيه=كم خلق مثلك برايا حسن صنعاته
لايغرك هالجمال اللي حباكم بيه=مايدوم الحسن يفني زين شيفاته
من غدر باللي يحب سهم الغدر يلفيه=والزمن دوار قد معلوم لفاته
ومن نسى بيض العمايل والوفى يرميه=يستعدْ لان الجزا من أصل حوباته