فاض مابي فـ الحشا نار(ن) تشبّه=من سبايب حبّ فـ الضامر كبير
اشتكيت البعد ، عايش وسط غربه=والعنا والشوق في قلبي عسير
ليش ردك بالجفا والضد جنبه=بالتعاكس عن فعال الحبّ غير
كثر ماضحّيت لك كله تكبّه=حب خالص خافقن ماله نظير
المحبه كالذّهب غالي تنبّه=مانبيعه بالرخص لا مايصير
نشتري راعي المعاني نحتفظ به=مرخصن له كل غالي او كثير
اللهِ العالم ، وحالي في مغبّه=والدمع شلال من عيني غدير
حال ماتفْرح صديقُ وْ لا أحبّه=لا عدو ٍ او مخاوي او نصير
حال ميت بالحيا لي بي تشبّه=كالمريض اللي بربّه يستجير
يطلب الرحمه ويشكيها لربّه=خالق الاكوان لقداره مدير
يا الاهي ليت تغفرله وذنبه=ينمحي عن لوح اعماله بخير
والمسامح الكريم اللي نحبّه=له اجور الخير من عند البصير
المحبّ اللي معذبني ، أحبّه=وش اسوّي دامَ نا عنده اسير
والهوى معنى عنا ، والصعب طبه=والتداوي مِنْه يبغي له خبير