بس أشوفك

والله

لأذوب خفوقك

و أشعل أنفاسي بعروقك ..

بس أشوفك

.

.

يا ولع مزروع فيني ..

يا بقايا حلم ضاعت ..

في رجا وصلك سنيني ..

انتي فيك حيل و تجيني ؟؟..

.

.

كل دمعة حزن فيني

و الله لأرسمها بعيونك ..

و كل جرح قد سكنني

بانزعه .. بكسيه لونك ..

بستفزك ..

بستثير الصعب فيني ..

لين ما أجنن جننونك ..

بس أشوفك ..

.

.

ماني يوسف ..

لو ما أخلى الصعب سهل ..

و مو على رجّال هذا .... ( يشير لشاربه )

لو ما اخلي العذب وحل ..

ولا من الدنيا إكفهرّت ..

و إنبتت في عينك اليمنى .. قهر ..

بزرع اليسرى سهر ..

بزرع الثنتين حنظل ..

و إلا أقل لك ..

و اروي غيظي من دموعك ..

قطره .. قطره ..

.

ق

.

ط

.

ر
.

ه

.

و كل ساعه في حياتك ..

و الله لأقلبها دهر ..

إيه يا إنتي ..

أنا يوسف ..( ماني لعبه ) ..!!!

إن بغيتيني ... وفا ,,

و إن بغيتيني .. دفا ,,

و إن بغيتي أمسح الأنثى .. و أنا اقدر

والله في لحظة جفا ..

.

.

لا تغرك قامتك ..

والا عينك اللي تسحر .

و وسط خدك شامتك ..

مو صحيح إني هواوي ..

و في الهوا .. أجرح و أداوي ..

و كل بنت تمرجحني ..

( يووووووووه )

تعمل بحالي بلاوي ..

بس .. ( ها )

ما تعيش اللي توطي هامتي ..

لا .. و لا تقدر صبيه و الله تثني ..

قامتي ..

بس أشوفك ..

وهذي ذقني ..!!!!!!!!!!!!!!