الفضل بسم الله يالرحمن بانبدي =كريم بالخلق يالله نسأل الغفران
تجلى أسمه وجل الواحد الفردي =ومقتفي بالخلائق أنسها والجان
من بعد ذا الحين يا فتان متعدي =أرفق بحال المتيم لا تكن غلطان
وإن شاء تبارز أنا شاء بارزك وحدي =الراس بالراس وهذي ساحة الميدان
والحكم ما بيننا بالمرهف الهندي = حتى يبان الوفا منك من النقصان
وإن شاء تسامح ولا عندك ولا عندي =وما مضى قد مضى وما تقدر كان
حد في نعايم وحد في عيشه نكدي =يقضي الليل مثل النايم النبهان
وحد شرب سلسبيل الرائد الشهد =وحد من الناس عند الماء وهو عطشان
والختم صلوا على أحمد ما سجم رعدي =وما شن ماطر وسقى جملة الوديان

السيل يا سدرة الغرمول يسقيك=من مزنة هلت الماء عقربيه
نطيت أنا الداب وانيابه مشاويك=والله وقاني من أسباب المنية
يا رجلِ لو هو مصيبك وين أداويك=ودواكِ جنب الحسا صعبٍ عليه
يا طول ما جيت ساري في حراويك=عجلٍ واخاف القمر يظهر عليه