الليل يا هيفا بلقياك جاني =في زحمة انوارة وانا اخترت دنياك
ليل شبية الصبح مر وخذاني= كنه محا ليل قضيتة بليــــــــاك
اهلا هلا بالصبح لا مر عانــي =جاني يهلي بي يقول الف حيـــــاك
مثل البخت سير علي بمكانـي =حطك وسط عيني وللعين هيـــــــاك
الوردلك بادلني احلى تهاني =اقبل يعطرني بطيفك وطريـــــــاك
ياهلال عيدي ياابتسامةزماني= العيد كل الوقت لا صرت ويــــــاك
حتى النسيم اللي ترنم اغاني =يكفيني انه منك يحمل هدايـــــاك
يانورك اللي عن هواهن دعاني =لافي سنا ذيّا ولا نور ذيـــــّـــاك
ان ضاع لي درب فلا درب ثاني =واحلى العمر يبدا مع يوم لقيــاك
انتي ولاغيرك كماالليل جاني =العين قرٌٌٌٌَُُِْت يوم انا اخترت دنيــاك

ياشوق انا عنك ظروفي حدتني =مالي على المسيار يمك وسيله
رجوى وصالك يالغضي بيّدتني =طالت وقلبي فيه مثل المليله
امحبتي لك يالغضي ورّدتني =حوض المنيه بين يوم وليله
امحبتك جارت علي واجهدتني=مثل اللي عجزت عظامه تشيله
كان الليالي المقبله ساعدتني =جيتك ولو من عقب مده طويله

أضوي وأمسي ضحكتك يا مضاوي= وأمد لك في ليلة العمر يمناي
وأروي صباحاتك هديل وغناوي= كم نجمة ينبت سناها على شفاي
يا خافقات الإحساس في قلب ضاوي= طوي بحبك كوكب العشق جواي
ويا بهجة القلب المود الهواوي= يا عمري الفايت ويا عمري الجاي
أعاهدك وأنا على الصدق ناوي= ما أخون لك هقوة ولا أطيع بك راي
هيا معي حلم الوليف وعزاوي = تورق بك دروبي وتزهر بك خطاي
ماني على طول البطى عنك قاوي= فدوات وصالك يا مضاوي مسراي
طيفك معي دايم رفيق مخاوي= في سجتي وغفاي في كل سجاياي
ما لاقلي من لابسات الغطاوي= غيرك ولا غيرك من الحور سلواي
بنت الشموس اللي تنير الرجاوي= وأخت القمر وسهيل والقرب وبناي
الليلة أحلى يا عيون النداوي= وعيونك أحلى شي شفته في دنياي
والليلة أغلى بين ضاوي وضاوي= غنى اليمام وغطرف الدف والناي