ماعاد بدري قلت لي وش تحرا =ذابت نجوم اليل من جمرالآهات
ماعاد بدري تدري العمر مرة =سرقت سنينه مننا كيف لحظات
تقول باكر وانت باكر تبرا=برا الزمن واقف على مر الأوقات
بتنتهي الدنيا قبل ماتجرا= لاضاعت الفرصة ترا الموت حسرات
يامن تسخّر كل أمري بأمره=همي وحزني والفرح والمسرات
ماترحم الي وسمّت فيه عبرة=اشتاق حتى صار به منك لمحات
الحب كله لوجمع عشر ذرة= واللي بقلبي لك ملايين ذرات
احساسي لك كوكب تعدا المجرة= فيه الفضا شيّد لنفسه مجرات

ياصاح انا قلبي من الحب مجروح =جرح عطيب مالقاله مداوي
لو ينشرى قربه شريناه بالرو ح =مير البلا شوفه غدابه هقاوي
اهل دمعي فوق الوجان مسفوح =على الذي ماهوبللغدري ناوي
انا ادري انه مثلي اليوم مطروح=لاشك ما يقوى ولا ني بقاوي
حسبي على اللي حط بالدرب ساموح= العاذل اللي جر كل البلاوي
امن اول باب المواصيل مفــــتوح= يومن عذال الموده خلاوي
واليوم سدالباب لوحٍ على لوح= وامسيت انا ياصاح قلبي شقاوي

يا زمان العجايب وش بقـا ما ظهر=كل ما قلت هانت جدّ علـم جديد
إن حكينا ندمنا وإن سكتنا قهر=بين قلبٍ عطيب وبين خـلٍ عنيد
لو تفيد المدامع كان أسيّـل نهر=مير كثر التوجد والدمــــــع ما يفيد
أصبر أيام وأشهر وأتصبر دهر=وإن حصلّي مناتي جيـت لو اني بعيد
أرجي الله وأراقب كل طالع شهر=يجلي الهم عني أو عســـى ما يزيد
يا غزالٍ فضوح الزين عنه اشتهر =في عيوني ملاك ووسط قلبــي وحيد
مخطي اللي يشبه وجنتــــك بالزهر=الزهر ماله رماح تصيـــــب وتصيد
لو جحدت المحبة سقم حالي جهــر=مير ما كل قلب ياصــــل اللي يريد