اعجبتني قصة قالها احد المشايخ .
يقول علمت بوفاة والد زوجتي واحترت كيف ابلغها بذلك الخبر .
يقول : خطرت لي هذه الفكره .
اخذتها وقلت لها يام فلان انا نويت اتزوج وزواجي الليلة ان شاء الله وانتي اوديك لأهلك ترتاحين عندهم اسبوع ثم امرك يقول زعلت وقامت تبكي وتقول وتزيد وتعيد وانا ساكت وهي معي في السيارة وفي اخر الطريق سألتني بالله ان تجيبني لماذا تزوجت عليه وهل انا مقصرة ؟
يقول قلت لها اقول لك الحقيقة ؟
قالت قل .
قال : انا لم اتزوج ولكن والدك الله يرحمه توفي فقلت اهون عليك المصيبة .
قالت : متاكد ؟ قلت نعم قالت الله يبشرك بالخير . ههههه
فاعتقد ان التمهيد للابلاغ طيب .
انا حصلت معي عند وفاة والد زوجتي رحمه الله واسكنه الجنة .صار عليه حادث وكان في الطائف .
جاني الخبر وانا في الديره بعد صلاة العشاء .
نزلت لها وقلت اقول عمي اظنه تعبان وانا رايح له ازروه ترافقينني ؟
قالت : اكيد .
ركبنا السياره وسألتني وش فيه ؟
قلت اظن انه صدم بالسياره ولكنه ان شاء الله طيب .
وبعد مسافة من الطريق وانا على اتصال مع الاخوان .
تسأل كيفه ؟
قلت ان شاء الله انه طيب .
ويوم قربنا قلت والله اظن الوظع شوي حرج .
وديتها لبيت اخوها قبل الفجر وقد نسقت معهم لا احد يذكر شيء .
ثم صليت الفجر وقلت اروح للمستشفى واشوف .
قالت اروح معك قلت : لا حتى اشوف الوضع .
اتصلت عليه كيف ابوي ؟
قلت وضعه صعب يمكن يكون شلل رباعي وهنا تأثرت وبعد قليل اتصلت عليها وقلت لها الوالد انتقل الى رحمة الله .
والله لم اسمع منها الا قولها انا لله وانا اليه راجعون رحمه الله وغفر له واقفلت الجوال .
وكانت الصدمة اخف عليها .
شكرا لك .
|