مـا هقيـت إن البراقـع يفتننّـي=لين شفت ظبى النفود مبرقعاتـي
الله أكبـر يـا عيـون ناظرنّـي=فاتنـاتٍ ناعسـاتٍ ساحـراتـي
في هواهن يا سعد كيف طرحنّـي=راح عمري من مودتهن فواتـي
كان مما صابنـي مـا عالجنـيّ=الوكـاد انـي خطيـرٍ بالمماتـي
يا سعد خبّر ظريف الطول عنـيّ=كان وده لي بعمرٍ فـي الحياتـي
من لحظني بس أهوجس به و اونِّ=ما تركني هاجسي لـو بالصـلاة ِ

لالا تضايقون الترف .. لا تضايقونه=لالا خلوه يجني من حياتـه ثمرهـا
لالا وحرام من عقب الرضى تزعلونه=لالا شوفوا عيونه كثر نوحه دمرها
لالا أغليه لو كل المـلا يرخصونـه=لالا لا حل في ديرة يا غرامي عمرها
لالا ما تفهمون الحب ما تفهمونـه=لالا فوق الخيال وعنكم الله سترهـا
لالا لا صرت أنا محروم لا تحرمونه=لالا خلوا هبايب نجد تنثـر شعرهـا
لالا أجي وأروح بنظرة من عيونـه=لالا ولين أظلمت دنياي نوره غمرها
لالا والقلب ما يسمع ولو تعذلونـه=لالا والروح عنده باللواحظ أسرهـا
لالا هذا الأمل تكفـون لا تقطعونـه=لالا لأجله لذيذ النوم عيني هجرهـا

ليالي نجد ما مثلـك ليالـي=غلاك أول وزاد الحب غالي
ليالي نجد للمحبوب طيبـي=أمانة نور عيني يـا ليالـي
حبيبي لا ذكرت إنه حبيبـي=دريت إني حظيظ وزان بالي
علشانه تهاونت المصاعب=أذوق المر لاجل رضاه حالي
وإلى من الزمان اشتد حره=لقيت بقرب مظنوني ظلالي
عفا الله عنه مما جاني أول=غسل حبه جميع الهم تالي

أنا حبيبي بسمته تخجـل الضـي=يكسف سنا بدر الدجى من جبينـه
راعي العيون الناعسة رمشها فيّ=لا سلهمت ذاب الهوى من حنينـه
له نظرة لا هي سـراب ولا مـيّ=راعي الهوى تفنى وراها سنينـه
نور الصبايا بسمة الدار والحـي=نوره على شمس الضحى مستبينه
دامه معي كل القرايب فأنـا حـيّ=بالروح أضمه يوم قلبي ضنينـه
يا صاحبي لا تنشد الروح عن شيّ=أنا حبيبـي نـور كـل المدينـة

ترحب بغيري وانا الولهان= وانـت عيونـي معنيهـا
شتـان مابيننـا شتـان=تبغى الليالـي تمضيهـا
ماني سراب وحبي بـان=غلطه ولا ابيك تطريهـا
خابرك ياقايـد الغـزلان=تنصى الكرامه وتشريهـا
لولا لحبك في قلبي شان=مااسلمـك روح اغليهـا
دانه بحر دونهـا حيتـان=حلفـت والله مااعطيهـا
لا تضيع الحـب يافتـان=رد الامانـه لراعيـهـا
حيرت قلبي وانا الحيران=آهـات قلبـي مااخفيهـا