ياليل ياجامع علـى الـود قلبيـن= لك عادة تجمـع قلـوب الولايـف
ياليـل ماترحـم قلـوب المحبيـن =قلبين ضمتهـا الطلـوع النحايـل
ياليل انا لي عن هوى البال شهرين=ليتك تقربلـي حسيـن الوصايـف
ياليل في قلبي من الشوق جرحين= ودوى جروحي بين هاك الشفايـف
ياليل فـرّق بيننـا نـازح البيـن=متى تشوف العين نـاب الردايـف
ياليل شفتة مـرةٍ عقـب عاميـن =وانا من الفرقة على القلب خايـف

دعاني الشوق يالغالـي=وانا من الوجـد لبيتـه
ماقدرعلى البعد ياعزالي=قلبـي تعـذب وعنيتـه
والي من العين همالـي=دمعي فضحني لو اخفيته
زولك على الدوم يبرا لي=ما انساه مهما تناسيتـه
اطوح الصوت بالعالـي=وين انت ليتك توحيتـه
مانيب للصبر محتالـي=ومن الضنا البعد مليتـه
عودت لك ياهوا بالـي=لعيونـك الكـل خليتـه
لقياك لا من تهيـا لـي=به انتعشت روحي الميته

قلبي الّلي لواه مـن الصواديـف لاوي=جرَّحته الليالي و الحظـوظ الرِّديَّـه ..
و الله انّي بوسط النّاس كنّـي خـلاوي=من يلوم المفارِق عقب فرقا خويَّـه ..
أنا اشهد انّ المفارَق من عظيم البلاوي=مير هذا نصيبك يا العيون الشِّقيَّـه ..
اتصبّر و اقول انّي على البعـد قـاوي=والله اعلم بقلبٍ فيه الاشواق حيَّـه ..
كيف راحت يا بوتركي حياتي شقـاوي=وين درب السعاده و الحياة الهنيَّـه ..
ليت لاهل الهوَى و الحب قاضي دعاوي=كان أداعي عيون الّلي فراقه خطيَّه ..
كنِّي المَبْلي الّلـي قطّعتـه المِكَـاوي=كل ما جـظّ بالونَّـات زادوه كيَّـه ..