وعدني الحظ يلقاني ولاجاني=حظي وهو حظي حرام ولا اهتم
مدري علام الوقت صدقن تحداني=وذا قفيته عقب مادله يقل سم
صدقت بك صوت قبل عام تنادني=ياليت سمعي كان قبل الندا صم
واللي خلقني شاعر لك وسواني=لوجاك غيري قال احبك تقل تم
اعرفك ياللي مسهر عيني ونيماني=لوهو بكيفك تهدي الشوك والهم
احسبك صدق صدوق جيت تهواني=واحسبك تهديني من الورد شي جم
واحسبك خل عقب ضيمي بيرعاني=واحسبك ليل لاحضني يقل نم
واحسبك شعر مثل شعري تواساني=وتهديني الفكر الذي وسطك التم
واحسبك لاتاهت بي الاقدار ميداني =واصير انا وياك موج علي يم
واحسبك لاجاني الهوي جيت تهواني=واحسبك تمسح من جروحي ندا الدم
كم جيت تايه علي دربك وضمياني=عد الرمال وقوللي عقبها كم
فكرك يهل مزون والله ولا اسقاني=مافيك شعرلايق لي سوي الذم
ظلمت لاجلك فكر شخص تفداني=شخص فديته يوم جاني يقل عم
يما ويما قلت مانته بتنساني=واثرك علي فرقاي شفق ومهتم
يما بعيد قنص بيدين قنصاني=ويماقريب سلم من قال هو قم
ياللي نساني شوف ماني بندماني=ماني عليكم انت والحظ بندم