يولد السعودي وهو يبكي
تدرون ليه ؟ يقول ابي حليب ! امه ما تبي ترضعه عشان ما يخرب صدرها !!
يصيح ابوه ليه الحليب غالي ؟ ارخصوه عشان ددودي !! يكبر ويروح المدرسة ويبكي
تدرون ليه ؟ يقول ابغى باص حلو اركب فيه ؟ ماشي من حقكـ ! برضه يبكي ! اش فيه ؟
قال المدرسين يضربوني ! منعوا الضرب ومازال يبكي علاااااامكـ ؟ قال المناهج طويلة
عدلوها ! ابشر بس ذاكر !! تخرج وقام يبكي ؟ وبعدين معاكـ ؟ قال ما قبلوني
ليه ؟ قال النسبة ضعيفة ! وش نسوي لكـ يا هوووه ؟ شف غير الجامعة
فيه معاهد كثير قال لا ابغى ضابط !! والا مدير !! وآخرتها .. عاطل
خلونا نشوف اللي في الجامعة والكلية
برضه يبكي .. ليه قال ما عندي بلاكـ بيري للواتس وآي فون للتغريدة
وسيارتي مو مثل سيارة اولاد الشيوخ ! طيب اخذ ابوه قرض وبدأ الاب يبكي !
تخرج الرجال والدموع اربع اربع ! وش السالفة ؟ قال ابغى مدير ما احب الشمس
السعودية غنية ولازم اكون مدير ! طيب اشتغل اول شيء موظف عادي وبعدين مدير
لا لا ! جوا ربع ابوه واقنعوه .. توظف قام يبكي ! وش وقعكـ ؟ قال ما اقدر اقوم بدري
ابغى دوام ليلي , دخلت الواسطة وحطوا دوامه ليلي ! ما داوم !!
راح يسهر مع الشلّة ! فصلوه والنتيجة .. عاطل
يا خوي الى متى تبغى الدولة تعمل لكـ كل شيء
وانت في الاصل لا شيء وانجازاتكـ لا شيء ومبادارتكـ لا شيء
نوم , تفحيط , سفر , سهر والنتيجة لا شيء
والبنات ..
اذا راحوا الجامعة
ابغى سيارة توديني وجوال وفلوس ووووو والا بابكي الى بكرة
تخرجت ابغى وظيفة ولازم معلمة وابغى نقل مريح وسواق يوديني
في الليل الاستراحة اسمر مع صحباتي وكل يوم طقم تيور
وعطر بلور واكسسوار مشهور بانتظار الثور
وبعديييييييييييييييييييين ؟؟
في الدول الاخرى
كثير من الامور على ما يرام ولكن
من جيب المواطن ( دافع الضرائب )
ولا احد يقول السعودية اغنى دولة ! فيه دول ميزانية ولاية او مقاطعة فيها
قد ميزانية دول الخليج ولا صجّونا .. تدرون ليه ؟
لانهم يعملون ويدفعون ضرائب
الى متى نقعد نبكي
والى متى نعتبر الحكومة ( ماما )
درسوا الناس بدون نقل وبدون جوال وبدون فلوس
ونجحوا ومسكوا اعلى المناصب
هههههههههههه
لا احد يزعل دخيلكم .. امزح معكم
بس فكروا في الكلام اللي قلته !
شوية تفكير بس !
اقول اللهم اصلح احوالنا واهدنا لما تحب وترضى
واجعل همنا آخرتنا وان لا ننسى نصيبنا من الدنيا
وأن توفق شباب وشابات السعودية
ابو فهد موضوعكـ في غاية الاهمية
لم اعلق عليه لكنني استغليته لقول رأي خاص
ارجو من فضلكـ ان تتحملني برقي اخلاقكـ
انقهرت اخي الغالي
كل اعلامننا وصحفنا ومجالسنا ومنتدياتنا
صياح وبكاء وتذمر ونحن بخير ,, كل الدنيا من حولنا هم وغم
يا ناس اعطونا شيء يفرّح ولو مرة
مليييييييييييييت بكاء وصياح
ذبحنا الكلسترول من المفطحات والدهون
وضغطنا الضغط من الراحة والاستراحة واهلكنا السكر
من الرز والتمر والعصير والجلوس والنوم
ما يركب اثنين في سيارة
حتى الاب وابنائه من الفسقة
ونبكي !! ليييييييييييه ؟
مع كل فقير خدامة ومع كل مسكين راعي لييييييييييييه
مع كل سلتوح سيارة وما توقفه الاشارة لييييييييييه
في اغنى الدول لا يملكـ الكل بيت يسكن بالايجار
وعندنا لازم يؤمن ولد الولد لييييييييييييه
ما فيه رب يعطيه مثلما اعطاكـ ؟
هل فقدنا الثقة بالله ؟
اقول شكلي جبت العيد
باسكت احسن
تقدير وشكري وفائق احترامي لشخصكم الكريم ابا فهد
(( سبحانك اللهم وبحمدك اشهد ان لا اله الا انت استغفرك واتوب اليك ))