منتديات بني عمرو - عرض مشاركة واحدة - البـلا فـي قلبـي اللـي حـب لـه شاعـر خـرافـي . . .

#1 09-02-2004, 02:25 PM

[poet font="Simplified Arabic,14,white,bold,normal" bkcolor="black" bkimage="backgrounds/undefined.gif" border="none,4,gray" type=0 line=200% align=center use=ex length=0 char="" num="0,black" filter=""]

بعثريني في دروبه .. انثريني لا تخافي
. . . . . . يا حروفه وش بقالي غير جرحي له هدية

احفري لي وسط جوفه وادفنيني والقوافي
. . . . . . مات نبضي في عروقي ما بقا به أي بقية

وش بقالي علميني غير جرحي واعتـرافي
. . . . . . إني والله يا حروفه ملت يمه وش بيدية

زلزليني .. بهدليني واوعدك ماقول كافي
. . . . . . هذا عهدي وان كسرتـه اكسريني والبرية

هذي نوره ما عرفتي تعشقك لا ما تجافي
. . . . . . ظنك إنها يا حروفه تخذلك ماهي وفية !!

بنت ابوها لا طلبتي روح ونبض وقلب وافي
. . . . . . ما ترد الشوق يمك .. والكـرم فيها سجية

وش بيديني علميني تهت أنا في هالفيافي
. . . . . . أدري إني حيل أحبه بس حبي له خطية

تحرقينه صمتي فيني تشعلينه آه يا كافي
. . . . . . اقصريها واسمعيني لا تسويها قضية

كان خوفي تحيي فيني حب وود وعشق دافي
. . . . . . اسمحيلي لا دفنته في فضا هالسرمدية

البـلا فـي قلبـي اللـي حـب لـه شاعـر خـرافـي
. . . . . . بين ايدينه حــرف ماسي يفتن أحلاها صبية

وأنا من بد الصبايا به ترى زاد اشتفافي
. . . . . . ويلي .. ويلي يا حروفه لا نظمها بحترية

علميني بس تعالي وش بقالي من هتافي
. . . . . . غير خفقة في ضلوعي نشترك فيها سوية

حسي فيني في احتراقي في ونيني واختلافي
. . . . . . ما حزرتي عشقه فيني.. للأسف منتي ذكية !!

كلي .. كلي .. أحتويها روحه نبضه والــمرافي
. . . . . . لا حضنته وسط عيني أنسى همي والأذية

صدقيني ما خذلته .. ما عذلته .. كيف أجافي
. . . . . . روحه اللي في ضلوعي لا طلال ولا خويه

بالنهاية اسمعيني حبي له ما عاد خافي
. . . . . . ردديها " ايه أحبه " واقبلي مني هدية

روح ونبض وقلب وافي .. يعشقه لا ما يجافي
. . . . . . خفقـه اللي في عروقه منه لقلبه عطية !!

[/poet]

[sound]http://www.7oob.net/Music/slow/1/slow22.rm[/sound]