بعيدة يا شوق عني بالاميال=وأقرب لقلبي من مسافة وريده
ما زال حبك في هوى القلب ما زال= وخيال طيفك بالمحبة يزيده
ومهما تفرق بيننا ضيق الأحوال= يبقى خيالك وين كنتي بعيده
ومهما طريقك مظلم كله أهوال=أمشي بدربك ما أحسب وعيده
يا خوفتي تغرق مع الموج الامال=ريح الزمن يا شوق والله شديده
تفرق الايام ما بين الاجيال = وتبقين للاجيال احلى نشيده
على صهوة الايام بالسيف خيال= لكن جمر الوقت لين حديده
واصبر على الازمان واشيل الاحمال= واشكي حياتي في معاني القصيدة
شعر = سعيد بن عبدالله - النماص -