يسئلوني ليه احبك حب ما حبه بشر
وليه انتي في حياتي شمسها و انتي القمر
وليه صوتك لاوصل صحراي يملاها الزهر
علميهم يالحبيبه .... اه يا اغلى حبيبه
يسئلوني وليتهم مثلي يعيشون الهوى
الاصابع في الايدين الواحده ماهي سوى
عندهم حبك طبيعي ... وعندي فوق المستوى
اعذريهم يالحبيبه .... اه يا اغلى حبيبه
يسئلوني وفي شفاتي يرتعد حر الجواب
ما درو أنتي بحياتي راحتي وانتي العذاب
وأنتي حلمي اللي عشقته وطار بي فوق السحاب
خبريهم يالحبيبه .... اه يا اغلى حبيبه
يسئلوني وانتي اكبر من سوالفهم جميع
وأنتي اجمل ما خلق ربي في هالكون الوسيع
واني اتلاشى بدون عيونك الخجلى اضيع
علميهم يالحبيبه .... اه يا اغلى حبيبه