الى اخر مدى غيظي وصلت.. ولاعرفت ازعل=الى ابعد حدود الهم .. وقلت آشقق أوراقي
تذكرتك بلحظة جرح.. لقيت لليلتي مدخل=وقلت اكتب عن عيونك.. عيونك كل عشاقي
أحبك كيف ما أحبك؟..ولو كف الزمن يبخل=بتبقى الماي في روحي.. وتبقى الغيم والساقي
أحبك ليش ما أحبك.. وانا من روعتك انهل=قصايد ملحها عيونك.. وطنها الشوق باحداقي
احبك كيف ما أحبك؟.. ولو كان الطريق أطول=بتبقى النون في عيني.. وفي عينك انا باقي
أحبك ليش ما أحبك؟.. وفيك الصورة الاكمل=انا ابقى خِلّكْ الوافي.. وتسكن كل آفاقي
تحيرني متاهات الاجابة .. كل ما أسال=ولكني أجي ملهوف أسابق ساقي بساقي
تسيرني عذاباتي وأمشي لك .. ولا أوصل=وأهرب منك لين ألقاك.. من أعماقي لأعماقي
أسافر في عيون الجرح.. وعيون السهر تذبل=ولاباقي من الليل الطويل .. الا انت وأشواقي
أمانه لايسيل الدمع.. ويجرح خدك المخمل=أمانه لو بتذكرني .. تناسى ليلة فراقي
ويمكن حرقة الدمعه.. على كثر الوهم أسهل=ويمكن روعة الذكرى.. تخلـّد حبنا الراقي
تموت أخر ورود الحب.. يموت الشاعر الاجمل=والى راحو أنا بسألك .. في الدنيا وش الباقي
فمان الله ياروحي.. فمان الله لا تزعل=وش اللي تاخذه دمعه.. مع تنهيدة الساقي