منتديات بني عمرو - عرض مشاركة واحدة

07-27-2012, 02:08 AM

سنوم العرب
حكم
إربع دقايق وذعر الهيل بدلال
صفرن ماهيب إبطونهنه مصدُه
كيف توارثناه ونورث إجيال
جدك معلمنا عليه ونمدُه
كيف النشاما ياولد مابه إغفال
فنجاله الإول لضيفك وعدُه
ولياشرب فنجال رده بفنجال
لين العرق من جبهته يستندُه
وليا ضحك ضيفك وعنه العمس زال
يابوك قم يابوك والضيف غدُه
إشتر نقر ماحرجه كل دلال
إشتر حلال الشاوي اللي يحدُه
كبش ليا جأ فصحن بالشحم سال
إكرم إضيوفك بالشحم والمودُه
وجيرانك إعزمهم على طيب الفال
وجارك حديد البيت يابوك بدُه
إكرم جناب الجار في كل الإحوال
حذرا يجي جارك كلامٍ يضدُه
لوجاك من ورعه خطا الورع زلال
إدمح خطاه وصد عنه وتعدُه
لاتستمع في كل قايل وقوال
إبذل معه إقصى إجتهادك وحدُه
وليا قزا المنزال بدل إبمنزال
بابٍ يجي منه الخطأ عنك سدُه
هذه لك إنته يافهيم بالمثال
ومرسول راع الجيب عندي مردُه ..!