حتى الدَّمِـــعْ ماعاد فيني وأهلَّه
اللي بجوفي شي / واكبر من الآهـ
شيِّـ(ن) زرع بالقلب "مليــون علَّه"
واسقى التعب في داخله ضيم ويلاه
ماهـي جديده ضيقتي "ويشهد اللهْ"
(هذا الفراق المر كم لي وانا اخشاه )!
حظــي واعَــرْفَه ...كل همـ(ن) يتلَّه !
قلبي وودَّع ....خافقٍ كم تمنَّـــــاه !!!
منهو يلومه / بعد ماراح خلَّــــه ؟!..
لو "ونْ صوته" كنَّـــــه الموت يغشاه.
ماعاد لي عقبه " حبيب اسْتِظِلَّه"..
لو قيض وقتي جرَّح القلب وادمـــاه..
تاااااايه ولا لي درب ..يمكن أدلَّــــه !
تدرون وش يعني اذا الدرب بك تاه؟
يعني تعيش : ونبضك البُعد شلَّه !..
يعني تشوف الناس من دونه اشبــاه..
يعني يمـــر الوقت مُجبر / تمَّـــــله ..
حتى النفس بك ضاع مآعاد تلقاه !
اودِّعك / وادري بحبــــك وأجلَّه ..
واشعر بضيق القلب يسكن حناياه!
|