لا تصدد عن عيوني وتجفاني
ثم يجي غيرك وياخذ مكان لّك

يستغل الوضع ويحتل وجداني
وان لقى لك باقي ٍ شلّه وشلّك

خايف ٍ ترجع ولا عــاد تلقاني
مات ودّك وانتهى يالغــلا خلّك

اعرف انك فاني والــعمر فاني
بس ياكبرك في عيني وياجلّك

بالغلا عديتك اقرب من اخواني
وكم نطقها واحد ٍ قصده يسلّك

اما انا لا قلتها فــ انت تقراني
واضــح توّك ومكشوف لك كلّك

وفوق هذا شايفك لي تحداني
ومن برودك تثني الرجل وتعلّك

ولاطلبتك حاجةٍ قلت لي ماني
ياصعب طبعك ويا مااشينه دلّك

قبل ختم البيت وتقفيل قيفاني
انت صــــوبي او ندوّر بديل ٍ لّك

الوطن واسع وخلق الله تبغاني
وماني مجبورٍ ازاحمك مع ظلّك

مماراق لي