والله للاسف موجوده وسمعتها من اقارب ومن زميلات وفي تجمعات نسائيه
كثير يشتكون من فهم بعض الرجال القااصر
اعرف وحده زوجها كل ماقالت شي قال القوامه للرجل
قالت استعباد ذا
قال اللي تتزوج تتحمل << اسمعوا الرد ..؟

ههههههههههه

شيخه الله يوفقك ويسعدك هذه ليست من القوامة وليست من مؤثرات القوامة .

هذه اسمها تهرب او تخلص من المسئولية فقط لاعلاقة لها بالقوامة ابدا .
ورده رد انسان غير مسئول .
ولكن السوأل :

ليش هو يتعامل معها كذا ؟؟؟؟





زوج قال لزوجته لازم نحذف الواتس من جوالاتنا
حذفته الزوجه وسالته بطريقه لطيفه حسب تمثيلها لي قالت : امانه انت حذفت الواتس اب
قال انتي تحاسبيني انا ..؟
فما رأيك في مثل هذا الشخص
1\ اتفق معها واخلف
2\ وانتقصها


وحده اعرفها
قالها (( ماقد جاك كف عشان تعرفين شغلك )) ...؟؟ << سلاماااااات ياعضلات


واخرى قالت لزوجها جب معك غدا تعبانه مقدر اطبخ ومافيه اغراض
قال ارسلي الاغراض ولا تنسين اني زوجك ولي حق و و و و
<< طيب وحقوقها هي وينها , اقلها ارحم عشان هي تتذكر انك زوج
وكانه واجب عليها

ترى باقي امثله واجد لو تحب

شكرا لك وهذه ليست من امور القوامة وليست من الامور التي تلغيها .
هذه تصرفات شخصية لأن القوامة مبداء اسلامي ومنهج رباني واضح .
اما واتس اب وغداء وعشاء وودني وجبني هذه تصرفات شخصية خاطئة ولكن قد يكون لها اسبابها من الطرفين .
يقول لي احد الرجال :
تزوجت الثانية قامت الدنيا ولم تقعد وراحت الاولى لأهلها .
رحت اريد ارجاعها قامت الأم عليه بشر بقعا وكادت تضربني وبنتي وبنتي مافيه مثلها جمال وحسب ونسب وانت يالهافي تتزوج عليها .
يقول امرنا الخاصة ماكنت اريد اطلع احد عليها لكن لما شفت الأم مصره قلت :
لو سمحتي خليها تجي ونتفاهم امامكم انتي ووالدها .
حضرت الزوجه واعلمتهم بسبب زواجي من الثانية .

( وليس خيانة او شيء يمس العرض ولكنه من حقوقي الشرعية )

وقلت لها اسألك بالله هل صدقت ام لا ؟؟
قالت صحيح ولكنني حرة في نفسي .
يقول اطالع في اهلها كل واحد منهم يطالع في الاخر ولاكلمة .!!
قلت : هآآآه رايكم ؟؟
قال والدها معك حق وتستاهل اللي جاها .
اما الأم فقامت والله ولم ترد بكلمة .
فهناك اخطاء مشتركة لاعلاقة لها بالقوامة .
القوامة : ليست التحكم ولكنها الحكمة .




استاذي الفاضل ووالدنا القدير
تشرفت بمرورك على الموضوع
وكثر الله من امثالك
لك جزيل الشكر

بل انا من يشكركم على هذا التحاور الطيب والذي نرجو من وراه الفائدة لجميع .