يانديبـــــــــي روح إلى مملكتنا بهتمام
ود مرســولي قــوام

أوصله لي خير من البرق وإلا من البريد
اعطهم علمن وكيـــد

قلهم في القاهرة من على رأي الطبيب
قال لي قلبك صـــويب

قلت يادكتــــــور في حالي أفعل ماتريد
شـق قلبي والـــوريد

قال باجري العاملية وعنا لا تروح
أنت في قلبك جروح

واستعنا الله ورحنا لهم في وقت ضيق
والله ثالثنا رفـيــق

قال هاك الوعد وتجي لنا يوم الربـــوع
فز قلبي والضلـوع

قبل ياجي العصر قالولي أحضر لا تغيب
قلت انا منكم قريب

بنجوني واغلطوني عن العلم الصحيح
قالو ا أقعد واستريـح

بعد ذاك البنج ماجبت سين ولا سوال
مدري حالي كيف قـال

أصبحت لو إنهم من على راسي وقوف
قالوا أمرك وش تشوف

قلت هذي حكمة الله وعدنا صابرين
تحت حكمه شاكرين

ودي اعلمكم بقصة حياتي وش جرا
محد عن حالي درا

صح فى التاريخ مال الرفيق الا رفيقــه
والله ماابيعك بالاثمان وأنت رفيقنا