يا صاحبي هذا زمان الرخومي=ماعاد يصفى غير ل انذال ورخوم
اهل الردى حازوا كبار القسومي=واهل الوفا ما بين معطى ومحروم
البوم يكفخ بالجناح ويحومي =والحرّ لشقر كن ما يعرف الحوم
ولّا انت نزلك عاليات الرجومي=ترفع لك البيضا على كل مرجوم
لكن لا تثّر عليك الهمومي=الهم واطي كل حاكم ومحكوم
والصبر ذباح العدا والخصومي=لولا الصبر ما طاحت الفرس والروم
اصبر وتاصل بالصبر ما ترومي=هذا كلامٍ صادرٍ فيه مرسوم