( تجي في الفراع دايم ) مثل قديم

ايام الابتدائي :

كانت المضاربات من ساعة ما نسرح للمدرسة حتى نصل ومن ساعة الانصراف حتى نفترق وكل يروح بيته والمسافة اكثر من ( 3 كم ) .
كان معنا شباب كبار في السن يدرسون معنا اي انهم حصلوا على السادس الابتدائي وراحوا توظفوا على طول ( كبار ) .
وكانوا يناشبون بيننا نحن الصغار نتضارب وهم يتفرجون ويشجعون القوي على الضعيف .
اسأل الله ان يعفو عن الميت والحي منهم .
مرة تضارب اثنين من الزملاء وكنت اتمنى فوز احدهم على الاخر فمسكت اللي ابغاه ينضرب وكأنني افرع وتركت الاخر طليق عساه يدبغه .
المهم ربك بالمرصاد . !
انا ماسك هذا وجاك ابو فلان لقط حجر ويبغى يضرب به راسه ولكنه راغ فاضرب بالحجر جبهتي الى الدم يصب على الارض .
فكيته وقمت اصيح من حر الحذفه ومن كثر الدم والحذاف حط رجله وعلى بيتهم وتجمعوا عليه الباقين وجابوا ( عثرب ) ( شجر معروف ) ويدقون ويضعونه على راسي حتى وقف الدم واربط الدسمال عليه .
المشكلة الآن ماهي الحذفة فريتها .

لكن ماذا اقول للعوال في البيت ؟

المهم وصلت وقالت الوالده منذا طق راسك ؟

قلت ( طميت ) اي ( طحت ) قالت تستاهل .

قلت اشوى صدّقت . !!

وبعدها حلفت ما عاد افرع بين اثنين لو كان يصل الدم الى الركب .