منتديات بني عمرو - عرض مشاركة واحدة

05-09-2012, 01:34 AM

يعطيكم العافية
وان شاء الله حياتكم دوم عامرة بالطاعة والابتسامة
الليلة باعطيكم قصة سمعتها من واحـــــــــد !
والحقيقة هي فكاهية ولكن منها عبرة

يقول فيه شايب من اهل الديرة
متزوج من سنين وعايش هو وزوجته على الحلوة والمرة
كبروا في السن ومرض الشايب , راجع المستشفيات ما لقي علاج < بعذره من زين مستشفياتنا
المهم قرر ولده ياخذه لامريكا للعلاج ,, سافروا .. يقول من وصلنا المطار والشايب فاغر
وانا احسبه تعبان اثاريه مصدوم من هول مايشوف < صدمة حضارية
وصلنا المستشفى وبدأت الاجراءات ,, نوموه بدون مرافق ورحت انا !
الشايب طفش من الغرفة وقام يتجول بالمستشفى والحدائق المحيطة
والمستشفى هناكـ يعتبر مدينة من كبره

يقول ولده .. جيت اليوم الثاني
لقيتها راحت الفغرة والشايب ما غير يهلل ويكبر
يقول فرحت اكيد بدأ يحس بالعافية ,, ها يا بوي عساكـ طيب ؟
اشوفك تهلل ومبسوط ! قال ايه توني اعرف انا بنروح الجنة !كيف ؟
قال كلهم ذولا بيروحون النار !

ليه ؟ قال من المطار وانا بين يعاريد لا يخافون الله ولا يستحون
والبارح شفت اشياء تشيب الراس < شكله دخل استراحة المناوبين

يقول جوا الاطباء
وقرروا عملية بعد التأكد من الفحوصات
سوى العملية وبقى اسبوعين بالمستشفى وخلال هالمدة معه ممرضة
مثل القمر ولطيفة معه مرررة < هذا شغلها .. ما فيه جديد
الشايب ارتاح لها ويحسب ان خدمتها له محبة فيه < محروم من الرومنسية
يسولف لها وتسولف ولا يدري واحد اش يقول الثاني والرجال مبسوط
يوم جوا يعطونه خروج بلغه ولده قال يا ولدي لي طلب قل تم
قال ابشر يا بوي عيوني لكـ قال ابغى اتزوج الممرضة
تراها تحبني واحبها واتفقنا !! كيف ؟ قال اسمع العلم
يقول حاولت اقنعه ما فيه فايدة ان كانكـ ولدي فقل تم
يا بوي هذي ما تحبكـ بس شغلها كذا
قال لا والله ما اعتنت بي الا محبة

يقول ما فيه حل الا اصدمه بوضعها
قلت يا بوي هذي يهودية يهوديييييييييييييية كيف تزوجها
قال بالحرام ان اليهودية أُمكـ

اللي ما سمعت منها كلمة طيبة من يوم عرفتها
الا هذي عسل ولا عني وعنها ! يقول ما افتكينا منه الا بعد ماجبناها
ومترجم وعلمته انه لو كان ما عاد في الارض الا هو ما شلته
يقول رجعنا وعلمت الوالدة بعلمه قالت الله يضلّه
فوالله ما قد شفته مفسخ من يوم دخلت عليه

وانه ينام بالثوب ويرقد معي محتزم

مذا وده اعبى به

اللي يسير في الارض ويشوف كم خلق الله
يحس بنعمة الاسلام ويعرف ان الدنيا للجميع والآخرة جنة او نار
ثانياً .. يا زين المعاملة الحلوة واللطف واللين والابتسامة الدائمة
والرومنسية بين الزوجين

حياة هنيئة
اتمناها للجميع

.