حيا الله اللي جيّته ,, فيها تباشير المطر
تو انور المركاز بقدومكم ابا ريان
لكم صدر المجلس شيخنا ونحن بانتظار رواياتكم الغالية
اما الحساسية فليس لها وجود والقلوب نهايا
والله ما فيــــكـ شــكـ ولا في اصحـــابي
ولا معــي ضيقــــةٍ وإلا حســـــــاسيــة
اصحى لبعض الخلايق حين يصحى بي
وابعد ليامن ســمعنا فـ الحســـــــــا سيّة
استاذي
موضوع لا يشاركـ فيه ابو ريان ,, مملّ
تقديري وفائق احترامي
الا قولوا لي .. وين حكيم المنتدى يا ناســ ؟
نتمنى عودته قريبا !
********************
سالفة قصيرة بســ مثيرة !
مع كل الاعتزاز بابائنا واجدادنا
ومع كل الشكر لما قاموا به من محافظة على تاريخهم وجغرافية ارضهم
الا اننا نسمع الكثير منهم يمتدح الجيل الاول ويرون انهم افضل من جيل التعليم الاكاديمي
يباهون بشجاعتهم ورجولتهم ونحن نقدر هذا ولكن كونهم يرون أن الحياة اشقتهم اكثر منا .
اشكـ في ذلكـ !! الدليل بعد المقارنة !!
كيف كانوا يقضون وقتهم - والكلام عن الرجال - من كان يقوم بالاعمال الزراعية ورعي المواشي ؟
على من كان الحمل الثقيل ؟ الرجل أم المرأة ؟ المنصف سيقول ..
معظم الاعمال كانت على المرأة بعكس الحاصل اليوم
ما هو دور الرجل سابقا في تربية الابناء ؟
ربما تكون هناكـ جدلية حول هذا الموضوع لكنني اجزم
بان وضعهم كان افضل بكثير من وضعنا اليوم
في احد المجالس ,, يقول أحد كبار السن
حن يا الشيبان علمتنا الحياة ما حن مثل جيل المدارس
كنا رجال حتى مع النسوان خلوا عنكم قوم الرز كان الواحد منا مثل الحصان
من يوم تشرق او تغرب وحن ندبكـ لا كلل ولا ملل وتحملنا شيء ما يقدرون فيه اليوم
والربع كلهم وراه ,, اي والله اي والله صدق
طيب وش سويتوا ؟
البيوت بيوت جدانكم والمزارع والبلاد موروثة
الواحد يقوم الصباح يصيح على المرة لا ارجع من الصلاة الا والفطور زاهب
افطر الشبح , نزل الوادي وهو يصيح جيبوا الثوارين والعداد والذر والحقوني
الساعة عشرة راكب فوق المدماس يغني .. يقول ابن عقاااار يقول ابن عقاااااار
ويصيح على الحرمة هات القهوة والتمر واللي معها من اكل < عذّب المسكينة
تقهوى وخطط برجله وقال يا الله اشتغلوا يا نسوان , بعد الغداء مقيّل والعصر في المنداة
مرتين في السنة وبقية الايام قناصة وعمالة ان حصلت وسمر مع الحلوين !
بقية الشغل على الحريم < ربما كل شيء !!
تدرون وش قصده بالواحد مثل الحصان
يعني من الناحية الجنسية والفحولة ,, اولا ليست مقياس
ولو اعتبرناها مقياس الرجولة ,, يا طويل العمر وين ذريتكم ؟
اكثر واحد عنده اثنين ثلاثة الا ماندر !!
اليوم لو ما يستخدمون الموانع كان عند الواحد سبعين جني
وين رايح يا شيخ << قال حصان قال !
يمكن اني غلطان بس الدلائل تقول كذا
عموما ما علينا ,, مقاييس الرجولة معروفة وهناكـ فرق بين الرجولة والفحولة
اعتقد بأن مسؤوليات الرجل اليوم اكثر من الماضي بكثير
الله يعين رجال السعودية ,, كل شيء هم المسؤولين عنه
حتى لو بغت المرة تسرح شعرها هو اللي يوديها ويجيبها
والاولاد بحلقة من التطعيم وشراء الفوط الى الوظيفة
مرورا بالجامعة او الكلية < هذا ان فلح الولد !
رحم الله من مات واحسن خاتمة من بقي
واعاننا لما فيه خير الدنيا والآخرة
واتمنى لكم حياة سعيدة
.