قضيه مهمه


شريحه من الشباب المستهتر و راعي خرابيط مالها آاخر
متعب اهله ومفشل ربعه وجايب لكل من حوله الضغط و السكر


بطبيعة العاطفة الأبوية البحث عن الحلول لإصلاح هذا الولد



و غالبا مايكون الحل : زوجوه يمكن يعقل و يترك خرابيطه




هالنوع من الشباب : أما يكون مغازلجي أو راعي ( ..... ) و ملحقاته أو .. أو .. أو ..



هل هالنوعية كفو زواج و مسؤولية ...؟؟
هل الحل يكون لصلاح هالصنف من الشبا ب الزواج ..؟؟




أتعجب كثير من هالمقولة
(زوجوه يعقل ) ......!! طيب و إذا ما عقل فالمصيبة أعظم



يقول تعالى( إنك لا تهدي من أحببت و لكن الله يهدي من يشاء)



ليش ندور لهدايتهم بالزواج و نوهق بنات الناس فيهم..!!!!


ليه نسوي تجربه يمكن تنجح وتنحل المشكله
ويمكن تفشل وتتعقد المشكله لان فيها عيال واسره وسمعه ووو


و المشكله هالنوع من الشباب الله يهدينا و يهديهم أول ما يقولون له بنزوجك قال : تـــــم بدون ادنى تفكير ...




نقاط لحوار :

1/هل الزواج هو الحل الأنسب لمثل هالشباب ؟


2/ انت لو واحد منهم ( لاسمح الله لا سمح الله لا سمح الله ) بترضى تتزوج و انت تدري انك مو حول زواج ؟


3/ ترضى على اختك بنتك تتزوج واحد مستهتر و تقنعها انه بعد الزواج بيتعدل وبيضبط وبيصير أفضل؟

4/ انتي ترضين تاخذين واحد لعاب على أمل انك بشخصيتك بترتبين وضعه للأحسن؟



((شباب شابات لا احد يقول كان اهلنا وكانوا اجدادنا وكان وكان
احنا بزمن مختلف بكل ماتعنيه هالكلمه من معنى عن زمن قبل .....))



ودمتم في حفض الله ورعايته