هذا الموضوع ماتجي معه ضد ومع
فيه ظروف تجبر الام انها تترك اطفالها في ايد امينه خاصة في الوقت الحالي اللي نسمع فيه عن مصايب الشغالات والبلاوي اللي يسوونها في الاطفال في غياب الرقابه من الاهل وانعدام الضمير عند الشغاله
اذا الام رحبت بوجود الاطفال عندها فجزاها الله خير وهي بكذا فرجت عن بنتها كربه
انا هنا اتكلم عن الام اللي تضطر لترك طفلها وقت العمل
اما في السفر فاعتقد ان الطفل له حق انه يكون مع والديه في كل مكان اذا ماهم قادرين عليه فالوطن جميل ويمكن الاستمتاع بالاجازه فيه الين يكبر الصغير ويصير التعامل معه سهل
اعتب والوم اللي يفرضون اطفالهم على امهاتهم ويروحون لمشاوير مالها داعي اما عرس او عشا او روحة سوق
خاصة ان اطفال ذا الزمن فيهم شبه من القرود لايسمعون ولايهجدون
خلاصة القول
انه الفزعه لابد منها لكن في الضرورات فقط
يعطيكم العافية.
|