جلسنا بالرصيـف اللـي جمـع مـن كـم سنـه قلبيـن =وهـو نفـس المكـان المظلـم بتاريـخ ميـعـاده
هنا00جرح00وهنا00ذل00وهنـا دمـع وقـرادة عـيـن =وهنا يوم إنكسـر قلـب وطَفَيْت إشمـوع ميـلاده
حزينـه يالظـروف الـلـي تجيـبـك ياوفـيـة ديــن =عقب مامـات حلـم مـن الربيـع مخَضِّر بـلاده
لبستي ليه 00؟ سلسـال الذهـب.. تـوه عجبـك الحيـن =وشعرك ليه00! سرحتيه مثـل مـا حـب وزيـاده
ذكرتـك ايـه ..ذكرتـك كيـف ..مـا أذكـر عـذاب سنيـن =وردى حظ وتلـف حـال وهجيـر الوقـت وعنـاده
يمـر اللـي حصـل مـا بيننـا فـي خاطـري سكـيـن =وهِلّ بدمـع هقـوات الغـرام وتمتلـي وســاده
هنـا بالظبـط00 جيتينـي00؟ وشفتـك وبتديـت آليـن =وهديتـك قلـب وعيـون ومشاعـر حـب وقـلاده
تعزويـت الوجـع وإنتـي عشقتـي غيـري وتـدريـن =عشانك صرت أنـا عبـد الغـلا وعيونـك أسيـاده
وهنـا00 أو00موهنا00مـدري طعنتينـي حياتـي ويـن =تعبـت وكانـت جروحـك يابنـت(الأيـه) نـقـاده
وأضن هنـاك000! كنتـي تضحكيـن ومافهمتـك زيـن =مع إن ضحكـك بـذاك الوقـت لا ماكـان بالعـاده
وقلتـي لـي خـلاص ومانفعـنـي قولـتـي تكفـيـن =وطاح الحب مـن عيـن الخفـوق وماتـت أعيـاده
توسلت ورجيتـك ليـن مـا قلتـي لـي وبعديـن000؟ =ياكثـر اللـي بكـا وعمـر البكـا والدمـع مافـاده
ورحتـي حيـل فرحانـه مـن اللـي صـار بالمسكيـن =وجلست أدعـي عليـك ودعـوة المظلـوم سجـاده
واشـوف اليـوم رديتـي تعالـي قـولـي وش تبغـيـن =ومثلـك فرحـة عيـون الكسيـر اغتالـت ابعـاده
تبيـن نرجّع اللـي كـان (آسـف) مايفـيـد الحـيـن =عطينـي عـرض فرقـاك الكريـم وعيـد ميـلاده