يقولون كيف الحال وأقول حــالـــي زين= ولكن وسط القلب نيران مشــــــتـــبه
أداري مشاكل قلبي الطيب المســــــــكين = وأحاول أرد الدمع والعين تـــذرف به
يقولون مالك فين وأقول مــالـــــــي دين = تديّنه ناس ٍ تعبد المال وتـحـــــــــبه
إذا قلت هات الدين يقلون لي بعــــــدين = وبعدين كلمه وقعها يشبه الضـــــربه
يقولون حظك كيف وأقول حظي شـــــين = رماني على سكين جزار مع حـــــربه
أجيبه يمين يسار ولاّ يسار يمــــــــــين = ولكن ما ينفع وهو رايحٍ شــــــــــربه
يقولون وش فرقك عن العالم الباقـــــــين = وش اللي يخلي مثلك يـتـيه في دربه
وأنا أقول يا أهل الفكر يالعالم الصــاحين = تعالوا وشوفوا جرحي اللي عجز طبه
جرحني قريبي والخوي في الصدر جرحين = وعانيت من ظلم الأقارب وهم ســــربه
أقدم يميني وأتسامح وأقول سمحــــــــين = ولكنهم ردوا عليه بلا ؛؛ صـعــــــبه
أدور صلاح المجتمع والفهيم مـعــــــــين = ورآس المعاند ما تعاون مـــــــــــع ربه
بليا خطأ قاموا عليه وهم مـخـطــــــــــين = وساعد بعضهم بعض وأنشقت القــربه
ولكن صدق راعي المثل يوم قال ألـحـــــين = تناصح عبادٍ فدغ وقلوبهم صـــــــــــبه