أسعد الله أوقاتكم بِكل خير يَ رب ..

عوٍدة لأحبابناَ بهذه القصيدة ، أتمنىَ أن تنال إعجابكم


. الشتاء "واسوارتينه"..جمّدوا دافي يديّه..
قيّدوها قيد ينزع كل عرقٍ من جذوره .

. لاقويت آرد بابي..عن هبايب نرجسيّة..
ولاقويت اقبل "طيوفه" واتساهل في مروره .

. والسنين الخمس واوجاع اليالي السرمدية..
مانهوا غافي حنيني..لاصحى واعلن فجوره.. .

. اه ياجرح وسكنّي.. جار في عمري..وفيّه..
هدّ حيل الصدق فيني..من ثقل همّه وجوره .

. لا تجدد كل موسم..يقلب الدنيا عليّه
لين اشوف الكون كلّه لون واحد ..مات نوره.. .

. من مداين ذكرياتي..لين مكتوب الهديّة..
يعلنون بوقت واحد..حرب في جوفي.. وثورة .

. فزّزوا اطفال نبضي..كل مانامت هنيّة
موتوهم رعب حتى شاب قلبي من فتوره .

. شتتوا انفاس صدري..بين روحاتٍ و جيّة..
كن في صدري حرايق تحتطب اضلاع سوره .

. وكنّها ذا العين "جمرة"..دمعها ياقو كيّة..
لاتناثر فوق وجهي بين عنّاب وزهوره .

. ياسنيني ريحيني وارحميني لو شويّة..
كل مافيني خذا قسمه..وجاه بيوم دوره .

. مابقى مني سوى نبضات حسّاسة وفيّة..
صدق راسيلي شوامخ ..ماتنازل عن غروره .

. وآنا لين الحين باقي ..ليلي اجراحه طريّة..
اشرقت الفين شمس..وما تعقّم لي شعوره .

. نفس ذاك الحزن إللي من سنين.. يعود ليّه..
اغرق ابقاعه وانازع..وآتخبّط في بحوره .

. والشتا لامرّ كنّي.. محتضر يكتب وصيّة..
كنّها اخر حياته..كنّها لحظات بوره.. .

. وكن قيد اسوارتينه..يدمي ايامي ويديّه..
قيد ينزع..دون رحمه..كل عرق(ن) من جذوره





للشاعرة : ديم الشهري

دمتم بِـ / وُدِ ~

ولـد ، آل عطيفـة