دخيل الليل وعيونك . على من هو ابا ابكي له=دخيل العين والعبره . دخيل الدمع واحزاني
دخيل عيونك النجلا . انا مافي يدي حيله=حضنت ايديك بيديني . وحزنك ليه بكاني
حزينه يا دموع العين . على من هو ومن هي له ؟=تكلمني واجا وبها .. ( أنا لله ) ما قســاني
لك الله لو قدرت ابكي . انا والله لا ابكي له=دموع العين للذكرى . وابا انزف دم شرياني
جذبني من ورا حزني . قصيد(ن) ضاع ترتيله=عجزت اقرا حروف الحب . واسمك حار بلساني
ا لا يا روعه العاشق . غرورك زان تدليله =تعال ومدلي كفك..... وهدي روع شيطـــاني
أنا في دنيتي تايه ... وادوّر في عنا ويله=ابا امشي سكّةاقداري .. وانا الأحزان عنواني
ضوى خدّك .. على قدّك ..وليلي ذاب قنديله=نبي نشعل شموع الحب .. واذوّب فيه وجدانــي
دموعك جمر يحرقني .. وافكر كيف تقبيله؟=زرعته نار في صدري .. قطفته ورّد ريحاني
هلا بك جرح ما يبرا . هلا بك كثر حبي له=هلا بك يا بعد حالي ...هلا بك رغم ما جاني
ابيك الحزن بعيوني .. وابيك الموت وامشي له =واقول الله حسيب اللي .. على الأحزان وداني