. .
.
الله يزيلك من التفكير يا نورة
ما دام وصلك لنا في الحب ما دامي
.
ثلاثة اعوام والجورة هي الجورة
والفكر عايش ما بين اضغاث الاحلامي
.
ما انتي على البعد والهجران مجبورة
وش يجبرك تصدرين الحكم باعدامي
.
يشوتني الهم شوت الرجل للكورة
ويسوقني الحزن ويسلمني الآمي
.
ماكنت افكر يجي من خافقك بورة
وما كنت اصدّق يموت الورد بك ضامي
.
اثر الزمن لاعب ٍ في وضعنا دوره
واثر الوفا صار شي ٍ ضمن الاوهامي
.
والله ما نسيت ذاك الوجه والصورة
واني اشوفك الى هالحين . . قدامي
.
يا كيف ابانساك والاشواق منثورة
في كل عرق نزف من جرحك الدامي
.
على الجفا والعنا والصد مشكورة
يشكرك قلب ٍ حزين وطرف ما نامي
.
رغم ان ذكراك في الخفاق محفورة
ورغم ان حبك بجوفي باقي ٍ حامي
.
الا ان لي دعوةٍ ماهيب مبتورة
اقولها صادق ٍ من قلب منضامي
.
الله يزيلك من التفكير يانورة
ما دام وصلك لنا في الحب ما دامي !
. . .
. .
.
راجي الوصل
هنا مستقري على الفيس بوك :
http://www.facebook.com/profile.php?id=1383061321&ref=tn_tnmn