الغياب اللي ماتلقى له حلول
 

الغياب اللي ماتلقى له حلول
احتواء الارض غالينٍ عليك

نظرتك من بعدهم فيها ذهول
والمصيبة يوم تدفنهم يديك

لاتقول إن الصبر يلقْى قبول
لي فقدت أمك بعد فقدك لأبيك

في غصون الناس من حولك ذبول
وانت لوعات المفارق تعتريك

دمع عينك فاض يغريه النزول
الحزن ضيفك ولاحساسك شريك

تلتفت بالعين واوجاعك تطول
كل شيءٍ فيك لو صبرك سميك

صوب قلبك من بقاياهم رسول
من صورهم طعنة الفقد تغزيك

داخلك صوتٍ من احزانك يقول
ذكريات الأمس مازالت لديك؟

تاخذك الأفكار والراي معقول
قدرة الله من جزع ماله دريك

الزمان الصلف والوقت المهول
يصرف الفرقا لنا من دون شيك

والمصير اللي خذا طه الرسول
ننتهي له كلنا أمرٍ وشيك

الله الله ما أروعها من قصيدة ..
رحم الله والديك وأسكنهما فسيح جناته آمين ..
لن أزيد أو أعيد على الشاعرية فقط رأيت بالنص شئ جديد ..
هو أنه رثاء ذاتي وصفي ..
بمعنى ان القصيدة من بواطن الرثاء خرجت ولكن لوصف رثاء الوحدة بدونهما
ورثاء المشاعر وكل مكان يذكر الحي بمن فقد وانتقل لجوار ربه ..
أبدعت وتفنّنت وأقنعت وهكذا يثق المتلقي بالشاعر وإلاّ فلا ..
دمج رهيب في وصف المشاعر ورثاء الحال عموماً ..
صح الله لسانك ولك تقديري ..

رحم الله والديك وأسكنهما فسيح جناته آمين

صح لسانكـ ,
آبيـآت رآقيـه وأكثر ,
مآننحرم من جديدك
وبِ إنتظآر المزيد من هذآ الفيض